Xibhwb Txoos Xwm Vaj niam thiab txiv npe hu ua Ntsuabpov Vaj thiab Ntxhais Muas. Xibhwb Txoos Xwm niam thiab txiv yug tau 5 tug tub, 5 tug ntxhais raws li no; Tsheej Pov, Maiv, Xf. Txoos Xwm, Vees, Dib, Ntxawm, Yias, Mim, Lawj, thiab Ntxhw. Niam thiab txiv yug Xibhwb Txoos Xwm rau lub 8 hlis vasthib 5 xyoo 1954 nyob rau lub zos Haum Vaj Sab nyob lub xeev Moos Xais uas nyob lub moos Luang Prabang. Ces niam thiab txiv khiav los rau Vientiane thiab los rau Naj Hiab. Tom qab ntawd nkawd mam mus nyob rau Dej Kua Tshauv ib ntu ces mam mus nyob rau tom Najlaub.
Lub xyoo 1975 tebchaw tawg, Txiv thiaj tau tso ntiajteb tseg. Niam thiaj li coj tsev neeg khiav tawgrog mus rau Thaibteb. Xibhwb Txoos Xwm Vaj thiab Ntxoo Muas sib sau los ua neej hauv Thaibteb lub Xuang Xustuang xyoo 1978. Lub xyoo 1979, nkawv ua kevcai raus dej yug dua tshiab. Thaum lub 11 hlis ntuj xyoo 1979, nkawv tuaj nyob teb chaws Me Kas hauv lub zos Fillmore, Utah. Nkawv nyob tau 6 xyoo hauv Fillmore ces nkawv mam li tsiv los nyob rau hauv Stockton, California. Nkawv cov menyuam tagnrho muaj 11 leeg. Cov menyuam npe hu raws li no: Kabyeeb, Maivlig, Xob, Lia, Zuag, Zebpov, Kiab, Tshaus, Nkauj Hnub, Yimleej, thiab Ceebtsheej. Tagnrho cov menyuam muaj cuab muaj yig lawm. Xibhwb Txoos Xwm cov xeebntxwv muaj 35 leeg.
Xibhwb Txoos Xwm Vaj yog ib tug neeg muaj siab hlub txhua tus. Nws tsis khuv xim nws lub zog thiab lub sijhawm vim nws hlub Vajtswv. Xibhwb Txoos Xwm hlub kwvtij neejtsa, tej phooj tej ywg, tej niam tej txiv txhua tus. Yog leejtwg hu txog nws, ces Xibhwb yeej mus pab tam li Vajtswv txoj kev hlub. Nws los ntseeg Vajtswv tom Najhiab thaum nws muaj 3 xyoo. Nws pib ua Vajtswv tes haujlwm xyoo 1979 hauv Fillmore, Utah txog xyoo 1985, ces nkawv ob niamtxiv mam tsiv los nyob rau hauv Stockton, Ca los ua Vajtswv txoj haujlwm rau hauv pawg ntseeg Hmong Baptist Fellowship of Stockton. Pawg ntseeg tsa Xh. Txoos Xwm los coj cov ntseeg rau hauv Hmong Baptist Fellowship rau lub xyoo 2004. Nws so haujlwm rau lub xyoo 2013 thaum lub 6 hli ntuj vasthib 20 xyoo 2013, vim nws mob stroke. Nws nrog peb nyob tau 6 lub xyoo ntxhiv. Nws rov mob stroke zaum ob thiaj tau tso peb tseg rau lub 2 hli ntuj vasthib 1 xyoo 2020 mus nrog Vajtswv nyob lawm.
Partager l'avis de décès
v.1.9.5