Mee Thao

Mee Thao, age 75, of Monroe, Washington passed away on Monday, September 18, 2023.

Traditional Hmong Funeral Services for Mee Thao will be held Saturday, October 28, 2023 from 8:00 AM to midnight at Evergreen Funeral Home and Cemetery, 4504 Broadway, Everett, WA 98203.

Services will continue on Sunday, October 29, 2023 from 8:00 AM through Monday, October 30, 2023 at 12:00 PM, 4504 Broadway, Everett, WA 98203. A graveside service will occur Monday, October 30, 2023 from 1:00PM at Holyrood Catholic Cemetery, 205 NE 205TH ST, Shoreline, WA 98155.

Mim Thoj Niam Txooj Muas Tsab

Yug 05-03-1948 nyob rau Phuaj Thoos, Nplog teb

Tuag 09-18-2023 Nyob rau Monroe, WA

Mim Thoj, tus txiv hu ua Txooj Muas Tsab. Nkawm ob naim txiv muaj peb (3) leej tub, xya (7) leej ntxhais. Cov tub yog Neej Kos, Ntxias Vwj, thiab Vam Ntxhais (Tsu). Cov ntxhais yog Liag, Neeb, Ntshuab (Marci), Mos, Zuag (Cindy), Zag (Tina) thiab nkauj Txos (Suzin).

Niam Txooj Muas thiab Txooj Muas nkawm muaj tshaj ib puas tawm (plus) xeeb leeg xeeb ntxwv.

Mim Thoj Niam Txooj Muas Tsab Lub Neej

Niam Txooj Muas Tsab (Mim Thoj) niam thiab txiv yug nws yog hmoob Yaj (nws txiv) thiab hmoob Vaj (nws Niam) rau lus zos Phuaj Thoos,teb chaw Nplog (Laos) xyoo 1948. Thaum nws niam tau tag sim neej, nws txiv thiaj tau muaj nws muag mus rau hmoob Vaj. Ces lawv thiaj tau muaj nws muag rau Txhiaj Lis Thoj nws (txiv tshiab) thiab Niam tshiab, vim nkawm tsis muaj me tub me nyaum.

Txij thaum Mim Thoj los ua nkawm thawg tug me nyuam ces Txhiaj Lis Thoj nkawm ob niam txiv mam li muaj me tub me nyuam puv va puv tsev. 

Mim Thoj nrog Txhiaj Lis Thoj nkawm ob naim txiv (nws txiv thiab niam tshiab) nyob hauv lub zos Loov Lav. Tau tsis ntev Txhiaj Lis Thoj thiaj li coj nws tsev neeg mus nyob rau Luam Phab Npas,Nplog teb lub tej chaw ua Mim Thoj loj hlob. Mim Thoj yuav txiv thiab yug tau Liag nyob rau lub zos Hav Txiv Duaj, Nplog teb. Tom qab ntawv, cov kwv tij tau mus nyob rau Phuv Meev/Huaxana nkawm ob naim txiv thiaj li los yug tag nrog cov me nyuam ntawm lub zos no.

Xyoo 1975, Niam Txooj Muas thiab cov kwv tij thiaj li tsiv los mus nyob rau Thaibteb ntawm lub zos Xum Huab Yauj. Xyoo 1980, Niam Txooj Muas thiab Txooj Muas thiaj xam phaj tuaj mus rau Amelikas teb. Niam Txooj Muas thiab Txooj Muas tau tuaj poob rau lub zos Redmond, Washington. Xyoo 1983, Niam Txooj Muas thiab Txooj Muas tau tsiv mus nyob rau hauv Sacramento, California tau 27 xyoo. Xyoo 2000, Niam Txooj Muas thiab Txooj Muas thiaj li rov qab los nrog tu tub Ntxias Vwj nyob rau hauv Kirkland, Washington. Xyoo 2007 tu tub Ntxias Vwj thiaj li cov tag nrho nws tsev neeg mus nyob rau Monroe, Washington.

Txooj Muas tso sawv daws tseg, nyob rau hauv lub zos Monroe. (02-16-08, thaum 1:09 A.M).

Niam Txooj Muas thiab li tsiv mus nyob nrog Mos thiab Xaiv Suav Vaj, (Ntxhais Vauv) rau hauv Sacramento, California. (November-2008). September-2018 Niam Txooj Muas thiaj li rov qab tsiv los nrog tu tub ntxawg Vam Ntxhais (Tsu) thiab tu tub xeeb ntxwv Andrew Tsab nyob rau Monroe, Washington.

Niam Txooj Muas thiaj li tau tso sawv daws tseg Lub cuaj hli ntuj tim kaum yim xyoo ob phav nees nkaum peb (09-18-23, thaum 1:30 A.M), nyob rau hauv lub zos Monroe, WA.

Nyob rau ntawm Niam Txooj Muas lub neej,nws yog ib tug ntxhais ntsuag, yog tug niam tsev nquag, tab cuab, thiab ua txhua yam rau nws tsev neeg kom muaj noj muaj haus xws li lub teb lub chaws. Nws yog ib leej niam ntxim hlub mus tag ib sim neej.

Niam Txooj Muas keeb kwm caj ceg kuj tawg tau paj txi txiv muaj xeeb leeg xeeb ntxwv coob TUAV NWS LUB NPE MUS LAWM YAV TOM NTEJ.  

HMOOB KAB LIS KEV CAI

MC: Txawj fwm Tsab

THAWJ SOM CUAB: Nkaj Pov Tsab

LUS UA TSAUG: Txiv Nkaj Thoob Tsab

QHIB THAIB TSO RAU: Muam Phauj, Yawg laus thaib Txiv Dab Laug

TSEV XYOM CUAB LOS HAIS LUS:

1) Ntxias Vwj Tsab thiab nws tsev neeg

2) Liag, Vauv Vam Meej Yaj tsev neeg

3) Neeb Tsab thiab nws tsev neeg

4) Ntshuab (Marci) Tsab thiab nws tsev neeg

5) Mos Tsab thiab nws tsev neeg

6) Cindy (Zaug) Tsab thiab nws tsev neeg

7) Tina (Zag) Tsab thiab nws tsev neeg

8) Suzin (Nkauj Txos) Tsab thiab nws tsev neeg

Tsev Xyom Cuab Slideshow

LUS TXHAWB LOS NTAWM Tais Nruag Hawj

Fond memories and expressions of sympathy may be shared at www.Evergreen-FH.com for the Thao family.